धनगढी : पोखरामा आयोजना हुन लागेको दोश्रो राष्ट्रब्यापी बहिरा सेभेन ए साइड फुटवल प्रतियोगिताका लागी बहिरा संघ कैलालीको टोली त्यस तर्फ प्रस्थान गरेको छ । आज दिउँसो १२ बजे फुटवल खेल्नका लागी कैलालीको टोली हिनेको प्रशिक्षक बिजय साउँदले बताए ।
कैलाली बहिरा संघको टिम फुटवल प्रतियोगितामा सहभागी हुने र उत्कृष्ट प्रदर्शन गर्ने साउँदले अपेक्षा लिएका छन् । बहिरा संघ पोखराको आयोजनामा माघ २० गतेदेखी २३ गतेसम्म पोखरामा हुन लागेको दोश्रो राष्ट्रब्यापी बहिरा सेभेन ए साइड फुटवल प्रतियोगितामा कैलालीको टिमले बिजेता हुने गरी तयारी गरेको उनले बताए । सक्दो राम्रो पदर्शन गर्ने गरी खेलाडी तयार पारेको उनले बताए ।
बहिरा संघ कैलालीको टिमलाई प्रतियोगितामा जानका लागी कैलालीका बिभिन्न संघ संस्थाहरुले सहयोग गरेका छन् । बहिरा संघ कैलालीका अनुसार कैलाली उधोग बाणिज्य संघले रु ५ हजार, धनगढी उप महानगरपालिकाले १५ हजार, माया मेट्रो अस्पतालले ५ हजार सहयोग गरेको छ ।
