बैतडी। बैतडीमा जिप दुर्घटना भएको छ। जिप दुर्घटना हुँदा ४ जना घाइते भएको प्रहरीले जनाएको छ। प्रहरीका अनुसार बुधबार बिहान जिल्लाको सुर्नया ६ दुदिलाखान नजिकै जिप दुर्घटना हुँदा चालक सहित ४ जना घाइते भएका हुन्।
घाइते हुनेमा बझाङको केदारस्यु गाउँपालिका ५ का जिप चालक २० वर्षिय धनबहादुर गुर धामी, बझाङकै बुंगल नगरपालिका वडा नं ९ का ४५ वर्षिय नरपती पातली,७० वर्षिया काली पातली र नरमा पातली रहेका जिल्ला प्रहरी कार्यालय बैतडीका प्रहरी प्रवक्ता प्रहरी निरीक्षक लोक राज जोशीले जानकारी दिए । उनका अनुसार बुंगल नगरपालिका वडा नं ९ की ४५ वर्षिय नरपती पातली,७० वर्षिया काली पातलीको अवस्था गम्भीर रहेको छ ।
उनले उपचारका लागि डडेल्धुरा गइरहेका रहेछन् उनिहरुको अवस्था गम्भीर छ,दुइ जना सामान्य भएको बताए ।’ घाइतेलाई उपचारका लागि डडेल्धुरा पठाइएको प्रहरी प्रवक्ता जोशीले बताए । बुधबार बिहान बझाङबाट डडेल्धुरा जाँदै गरेको से१च १२२६ नं को जिप जयपृथ्वी राजमार्गमा पर्ने सुर्नया ६ दुदिलाखान नजिकै दुर्घटना परेको हो । प्रहरीले जिप सडकबाट करिब सय मिटर तल खसेको जनाएको छ।
