कैलाली। कैलालीको गौरीगंगामा मोटरसाइकलबाट खसेर एक युवकको मृत्यु भएको छ। कैलालीको गौरीगंगा नगरपालिका १ मंगलपुरमा प्रदेश २-०३-०२० प १३९१ नम्बरको मोटरसाइकलबाट खसेर कैलारी गाउँपालिका ८ का ३५ वर्षीय राजेश चौधरीको मृत्यु भएको हो।
प्रहरीका अनुसार मोटरसाइकलबाट खसेर गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको हो।मोटरसाइकल चालकलाई प्रहरीले नियन्त्रणमा लिएको छ।दुर्घटनाका बारेमा अनुसन्धान भैरहेको कैलाली प्रहरीले जनाएको छ।
