धनगढी। कैलालीको घोडाघोडीमा मगर गोहीले बाख्रा मारेको छ । कैलालीको घोडाघोडी नगरपालिका–४ सुन्दरपुरमा रहेको घोडाघोडीको शाखा ताल टेडी पर्सिनियामा रहेको मगर गोहीले स्थानीय डेगबहादुर खत्रीको बाख्रालाई मारेको हो ।
तालको ड्याममा चरिरहेको बाख्रालाई मगर गोहीले आक्रमण गरेर तालमा लगेको थियो । स्थानीयले गोहीबाट बाख्रा छुटाएका छन् । तबसम्म बाख्राको ज्यान गइसकेको थियो। तालमा रहेको गोहीले मानिसलाई पनि आक्रमण गर्न सक्ने भएकाले सबै सचेत हुन आवश्यक रहेको स्थानीय शिक्षक रामप्रसाद सापकोटाले जानकारी दिएका छन्। पछिल्लो समय कैलालीका पुर्व क्षेत्रमा वन्यजन्तुले घरपालुवा जनावर तथा मानिस माथी आक्रमण गर्न थालेको छ ।