धनगढी। धनगढी उपमहानगरपालिका वडा नम्बर १३ मा मोटरसाइकलले गाईलाई ठक्कर दिएको छ। मोटरसाइकलले गाईलाई ठक्कर दिँदा दुई जना घाइते भएका छन्।
धनगढी वडा नम्बर १३ स्थीत अत्तरियाबाट धनगढी तर्फ आइरहेको सुपप्र ०१ ००८ प ६७९३ नम्बरको मोटरसाइकलले छाडा गाईलाइ ठक्कर दिँदा चालक धनगढी १२ बस्ने घनश्याम उपाध्याय गम्भीर घाइते भएको प्रहरीले जनाएको छ। प्रदेश ट्राफिक प्रहरी कार्यालय अत्तरियाका अनुसार पछाडि सवार बझाङको बुङ्गल नगरपालिका ८ बस्ने ३३ वर्षीय कृष्ण जाग्री घाइते भएका छन्। दुबैको मायामेट्रो अस्पताल धनगढीमा उपचार भइरहेको प्रहरीले जनाएको छ।
