धनगढी। धनगढीमा मोटरसाइकल दुर्घटना हुँदा गम्भीर घाइते भएका युवकको मृत्यु भएको छ। शनिबार दिउँसो धनगढी उपमहानगरपालिका–७ कालिका चोकमा से६प ९६५८ नम्बरको मोटरसाइकल अनियन्त्रित भई पल्टिएर कैलारी ३ का १६ वर्षीय अङ्केश्वर चौधरी गम्भीर घाइते भएका थिए। जिल्ला प्रहरी कार्यालय कैलालीका अनुसार गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको प्रहरीले जानकारी दिएको छ।