धनगढी। धनगढीबाट लागुऔषधसहित एक जना पक्राउ परेका छन्। धनगढी उपमहानगरपालिका १३ एयरपोर्ट मोडबाट १७ वर्षीय किशोरलाई पक्राउ गरेको जिल्ला प्रहरी कार्यालय कैलालीले बताएको छ।
उनको साथबाट अवैध लागूऔषध खैरो हेरोइन जस्तो देखिने पदार्थ १ सय ६० मिलिग्राम फेला परेको जिल्ला प्रहरी कार्यालय कैलालीले बताएको छ। प्रदेश प्रहरी कार्यालय धनगढीबाट खटिएको प्रहरीले जाँच गर्ने क्रममा उनलाई उक्त पदार्थसहित फेला पारी अनुसन्धान भइरहेको बताइएको छ।
