अछाम। अछाममा अविरल वर्षा पछि पहिरो जाँदा १२ जनाको मृत्यु । अछामको कमलबजार नगरपालिका, ढकारी गाउँपालिका र तुर्माखाँद गाउँपालिकामा पहिरोमा पुरिएर १२ जनाको मृत्यु भएको हो।कमलबजार नगरपालिका–६ मा पहिरोले घर पुरिदा बेपत्ता भएका ६ मध्ये ५ जनाको शव भेटिएको सहायक प्रमुख जिल्ला अधिकारी दिपेश रिजालले जानकारी दिए।
यस्तै ढकारी गाउँपालिका र तुर्माखाँद गाउँपालिकामा २/२ जनाको शव फेला परेको उनले बताए। अन्य ३ शव जिल्लाका विभिन्न स्थानमा पहिरोमा पुरिएको अवस्थामा फेला परेको उनले बताए। वेपत्ताको खोजी कार्य भइरहेको र थप विवरण आउन बाँकी रहेको उनले बताए। यस्तै पहिरोकै कारण ढकारी गाउँपालिकामा समेत १ घर पुरिएको छ । जसमा ३ जना घाइते भएका छन् भने एक जना पुरिएका छन् । उनको उद्धार भईरहको जिल्ला प्रशासन कार्यालय अछामले जनाएको छ ।
