कञ्चनपुर। कञ्चनपुरको शुक्लाफाँटास्थीत सिमलफाँटामा चित्तल मृत फेला परेको छ। कञ्चनपुरका शुक्लाफाँटा नगरपालिका वडा नम्बर ७ सिमलफाँटामा भाले चित्तल मृत फेला परेको सिनियर ग्यामस्काउट प्रदिप थापाले बताए। बिहीवार विहान सिमलफाँटा स्थित खानेपानी टंकी नजिक चित्तल मृत फेला परेको उनले जानकारी दिए ।
शुक्लाफाँटा राष्ट्रिय निकुञ्जबाट आएको चित्तललाई कुकुरले लखेटेर मारेको हुन सक्ने थापाले जानकारी दिएका छन्। चित्तल मरेको भन्ने खबर आयो उनले भने, ‘गएर हेर्दा चितललाई कुकुरहरुले लखेटर मारेको जस्तो देखिएको छ। उनका अनुसार मृत चित्तलको मुचुल्का उठाएर हिरापुर पोष्टमा लगीएको जानकारी दिएका छन् ।
