कञ्चनपुर। कञ्चनपुर पुनर्वासकी एक वृद्ध महिला बेपत्ता भएकी छिन् ।  कञ्चनपुरको पुनर्वास नगरपालिका-६, ङ-गाउँ घर भएकी वृद्धा धनादेवि कुवँर सोमबार मध्यराति घरबाटै बेपत्ता भएको उनका छोरा पदमबहादुर कुँवरले बताए। कुवँर घरमा सुतेकै अवस्थाबाट हिजो मध्यराती बेपत्ता भएको उनका छोराले जानकारी दिए।

“आमाको मानसिक सन्तुलन अलि ठिक थिएन, राती साढे १० बजे देखि ३ बजेको बीचमा बेपत्ता हुनुभयो”, छोरा राजेन्द्रले भने, “बेपत्ता भएको थाहा पाएपछि राती देखि नै सबैतिर खोजी गरिरहेका छौ, तर कहि भेटाएनौ ।” उनले बेपत्ता आमाको खोजी गरिदिन ईलाका प्रहरी कार्यालय त्रिभुवनबस्ती र अस्थायी प्रहरी पोष्ट आई.बी.आर.डी.मा समेत निवेदन गरेको बताए ।