कञ्चनपुरको सुक्लाफाँटा नगरपालिकामा रुख ढल्दा ६ जना घाइते भएका छन् । सुक्लाफाँटा ७ का ६ जना घाइते भएका हुन् । घाइतेमध्ये २ जनाको अवस्था गम्भिर रहेको छ । प्रहरीका अनुसार स्थानिय दिपक बिष्टको घरमा तिज मनाइरहँदा खयुको रुख घरमा खसेपछि ६ जना घाइते भएका हुन् ।
घाइते हुनेमा १८ वर्षीय लक्ष्मी धानुक, १९ वर्षीय लक्ष्मी भण्डारी, ५० वर्षीय मैना पार्की, ३० वर्षीय कमला जोशी, १५ वर्षीय खगेन्द्र धामी र ४५ वर्षीय लीलाधर भट्ट छन्। घाइतेमध्ये लक्ष्मी धानुक र लक्ष्मी भण्डारीको अवस्था गम्भीर छ। घाइते छ जनाको झलारीस्थित निजी अस्पतालमा उपचार भइरहेको छ।
