अछाम। अछामको पञ्चदेवल विनायक नगरपालिकामा एक युवक मृत भेटिएका छन्। अछामको पञ्चदेवल विनायक नगरपालिका वडा नम्बर २ मा एक जना मृत भेटिएको प्रहरीले बताएको छ । मध्यपहाडी सडक खण्डको विनायक गैरिटाड बिच सडक खण्ड अन्तर्गत विनायक नजिकै बम धामीको शव फेला परेको जिल्ला प्रहरी कार्यालय अछामले जानकारी दिएको छ ।
वडा नम्बर २ निवासी अन्दाजी २५ बर्षका बम धामीको टाउकोमा चोटपटक लागेकाले मृत्युको कारण अहिलेनै भन्न नमिल्ने प्रहरीले जनाएको छ । मंगलबार राति करिब १० बजे घटना भएको जानकारी प्राप्त हुनासाथ जिल्ला प्रहरी कार्यालय बाट अनुसन्धानका लागि प्रहरी परिचालन गरिएको जिल्ला प्रहरी कार्यालय अछामले जानकारी दिएको छ ।
