कञ्चनपुर। कञ्चनपुरमा बहुलाएको स्यालको टोकाइबाट दुई जना घाइते भएका छन्। बहुलाएको स्यालको टोकाइबाट कञ्चनपुरको शुक्लाफाँटा नगरपालिकाका दुईजना घाइते भएका हुन्। मंगलबार बिहान स्यालले टोक्दा नगरपालिकाको वडा नं ८ की ६० वर्षीया राजकुमारी चौधरी र वडा नं ९ का ४५ वर्षीय गोकर्ण चौधरी घाइते भएका हुन्।
‘आँगनमा फूलका बिरुवा रोप्दै गरेका बेला एक्कासी आएको स्यालले दाँया हात र दायाँ खुट्टामा टोकेर गहिरो घाउ बनायो’ राजकुमारीका श्रीमान् पल्टा चौधरीले भने, ‘आँगनमै लडाएर स्यालले टोक्न थालेपपछि श्रीमती चिच्याइन्। होहल्ला गरी स्याल भगायौँ।’यसैगरी, गोकर्णलाई समेत स्यालले गोडामा टोकेर गहिरो घाउ बनाएको वडाध्यक्ष रमेश बहादुर ऐरले बताए । दुवै जनालाई उपचारका लागि महाकाली अस्पताल महेन्द्रनगर लगिएको छ।।स्यालले घर आँगनमै आएर टोक्न थालेपछि त्यहाँका स्थानीय त्रसित भएका छन्।