दार्चुला। दार्चुलाको लेकम गाउँपालिकामा सोमबार जीप दुर्घटना हुदाँ दुई जना घाइते भएका छन् । दार्चुलाको गोकुलेश्वरबाट रिठचौपातातर्फ गइरहेको से १ ज ५८३ नम्बरको जीप लेकम गाउँपालिका वडा नम्बर ६ उचाकोटको जुगेपानी भन्ने स्थानमा जीप दुर्घटना हुदाँ २ जना घाइते भएको इलाका प्रहरी कार्यालय रिठाचौपताले जनाएको छ ।
घाइते हुनेहरुमा बैतडीको डिलाशैनी गाउँपालिका वडा नम्बर ४ का मने नाथ, कञ्चनपुर जिल्ला बेदकोट नगरपालिका वडा नम्बर ८ का फुन्नी देवि नाथ घाइते भएका छन्। घाइते दुबै जनालाई स्वास्थ्य चौकी रिठाचौपतामा उपचार गरिएको छ। जीपमा चालक सहित ६ जना सवार रहेको स्थानीयले जानकारी दिएका छन्। सडकमा गाडी पल्टिदा दुर्घटना भएको हो। सडकमै गाडी पल्टिएकाले ठूलो क्षति हुनबाट जोगिएको छ ।
