कञ्चनपुर। कञ्चनपुरमा लागूऔषध खैरो हिरोइन सहित एक जनालाई पक्राउ गरिएको छ ।बिशेष सुचनाको आधारमा जिल्ला प्रहरी कार्यालय कञ्चनपुर र अस्थाई प्रहरी पोष्ट मझगाँउबाट खटिएको संयुक्त प्रहरी टोलीले भीमदत्त १६ का २२ वर्षीय उमेश ठगुन्नालाई पक्राउ गरेको हो ।
आइतबार करिब १० बजेको भीमदत्त नगरपालिका वडा नम्बर १६ मझगाउँ बाह्रसिङगे चौराहस्थित शंकास्पद रुपमा उभिरहेका अवस्थामा ठगुन्नालाई पक्राउ गरेको जिल्ला प्रहरी कार्यालय कञ्चनपुरले जनाएको छ। प्रहरीले उनको साथबाट २.०६ ग्राम लागूऔषध खैरो हिरोइन फेला पारेको जिल्ला प्रहरी कार्यालय कञ्चनपुरले जनाएको छ। पक्राउ परेका ठगुन्नामाथि थप अनुसन्धान भइरहेको प्रहरी नायव उपरीक्षक सिद्धराज न्यौपानेले जानकारी दिएका छन् ।
