धनगढीः कैलालीमा कार र स्कुटर ठोक्किँदा दुर्घटना भएको छ। जिल्लाको धनगढी उपमहानगरपालिका–१ एक्सिस चोकमा बाग्मती प्रदेश ०१–०२७ च ८२२७ नम्बरको कार र सुदूरपश्चिम प्रदेश ०१–०१२ प ४२४२ नम्बरको स्कुटर ठोक्किएर दुर्घटना भएको हो।
उक्त दुर्घटनामा परेर स्कुटर चालक कञ्चनपुरको बेलौरी नगरपालिका–६ की २१ वर्षीया बिनिता चौधरी घाइते भएकी छन्। उनको कैलाली अस्पतालमा उपचार भइरहेको प्रहरीले जनाएको छ। कार चालक धनगढी–५ का हरिसिंह धामीलाई घाइतेको उपचार गर्ने सर्तमा छोडिएको छ।
