धनगढी। कैलालीको धनगढीमा भारतबाट ल्याईएका अवैध सामान बरामद गरिएका छन्। जिल्ला प्रहरी कार्यालय कैलालीबाट खटिएको प्रहरी टोलीले कैलालीको धनगढी उप-महानगरपालिका वडा न ९ बंग्राकटान स्थित सडक खण्डमा भारतबाट अबैध रुपमा भन्सार चोरी गरी ल्याइएका २ लाख ७८ हजार २१० मुल्य बराबरका सामान बरामद गर्न सफल भएको हो । शुक्रबार साँझ ६ बजे जिल्ला प्रहरी कार्यालय कैलालीबाट खटिएको प्रहरी टोलीले धनगढी उप-महानगरपालिका ९ बंग्राकटानबाट उक्त सामान बरामद गरेको जनाएको हो। बरामद गरिएका बिभिन्न किसिमका सामानहरुलाई भन्सार ऐन बमोजिम कारबाहीका लागी आज जिल्ला भन्सार कार्यालय कैलालीलाई बुझाईएको प्रहरीले जानकारी दिएको छ ।
