धनगढी । सुदूरपश्चिम प्रदेशका मुख्यमन्त्री कमलबहादुर शाहको नेतृत्वको टोलिले बुधबार संघीय तीनजना मन्त्री र एकजना राज्यमन्त्रीसँग छुट्टाछुट्टै भेटघाट गरेको छ ।
टोलिले गृहमन्त्री रमेश लेखक, उद्योग, बाणिज्य तथा आपूर्ति मन्त्री दामोदर भण्डारी, कृषि तथा पशुपंन्छी बिकास मन्त्री रामनाथ अधिकार, सचिब डा गोबिन्द प्रसाद शर्मा, वन तथा वातावरण राज्यमन्त्री रुपा बि क संग छुट्टाछुट्टै भेटघाट गरेको हो ।
सुदुरपश्चिम प्रदेश लगानी तथा बिकास सम्मेलन २०८२ को तयारीका लागि संघीय राजधानीमा विभिन्न मन्त्रालय, दातृ निकाय, निजि क्षेत्र, ब्यापारी, कुटनैतिक नियोगसंघ छलफल तथा अन्तक्रिर्या गरिरहेको रहेको छ ।
भेटमा सुदूरपश्चिम प्रदेशका मुख्यमन्त्री कमलबहादुर शाहले प्रदेश सरकारले सुदूरपश्चिमको विकासका लागि लगानी तथा विकास सम्मेलनको आयोजना गर्न लागेकोले आवश्यक सहयोग गर्न आग्रह गरेका थिए ।
उनले सुदूरपश्चिममा पर्याप्त सम्भावना रहेकाले लगानीका लागि सो किसिमको वातावरणमा निर्माण प्रदेश सरकारले गर्ने र लगानीकर्ता समेत लगानी गर्न इच्छुक रहेको जानकारी दिए ।
मुख्यमन्त्री शाहले प्रदेशको विकासका लागि संघ र प्रदेशका बीचका रहेका कानुनी कुराहरुलाई सहमति र छलफलबाट अगाडि बढाउनुपर्ने बताए ।
भेटमा कृषि तथा पशुपन्छी विकास मन्त्री रामनाथ अधिकारीले लगानी क्षेत्रका लागि उत्पादित वस्तु सुनिश्चित गर्न र निर्यात गर्नुपर्नेमा जोड दिए । उनले दातृ निकायहरू मात्र नभएर वैदेशिक इन्डिभिजुअल लगानीकर्ताहरू समेत आकर्षित गर्ने गरि नीति बनाउन र जग्गा व्यवस्थापन गर्न ध्यान दिनुपर्ने बताए । साथै उनले कृषि क्षेत्रका चुनौतीहरुलाई अहिले नै पहिचान गर्न सके नोक्सानी कम गर्न सकिने बताए।