धनगढी। कैलालीको एक पसलबाट पाँच जना जुवाडे पक्राउ परेका छन्। कैलालीको गोदावरी नगरपालिका वडा नम्बर ४ बाँस्कोटाका लोकबहादुर खड्काको पसलबाट पाँच जना जुवाडे पक्राउ परेका प्रहरीले जनाएको छ । सुदूरपश्चिम प्रदेश प्रहरी कार्यालय, धनगढीका अनुसार ५५ वर्षीय मनिराज महतासहित पाँच जना पक्राउ परेका हुन।
पक्राउ पर्नेमा स्थानीय ५५ बर्षिय मनिराज महता, ५२ बर्षिय अर्जुन खत्री, ४२ बर्षीय राम बहादुर बोहरा, ३७ बर्षिय तेज बहादुर खड्का र गोदावरी नगरपालिका १ बस्ने ४० बर्षिय लोकेन्द्र नाथ रहेको प्रहरीले जनाएको छ । उनीहरूको साथबाट २० हजार पाँच सय ७० रुपैयाँ बरामद गरिएको छ। उनीहरूको साथबाट तीन बुक ताससमेत बरामद गरिएको छ। उनीहरुमाथी थप छानविन भैरहेको प्रहरीले जनाएको छ।
