दार्चुला। दार्चुलास्थीत नेपाल-भारत जोड्ने निर्माणाधीन मोटरवेल पुलको काम बन्द गरिएको छ। दार्चुलाको महाकाली नगरपालिका–८ असिगडास्थित नेपाल–भारत जोड्ने निर्माणाधीन मोटरवेल पुलको काम बन्द गरिएको छ।
बुधवार दिउँसो महाकाली नगरपालिका मेयर नरसिंह चैसिरले निर्माणाधीन मोटरेवल पुलको नेपाल तर्फको काम बन्द गराएका हुन्। भारतले भदौ २० गते व्याँस गाउँपालिकाको तिङ्कर जाने क्रममा महाकाली नगरपालिकाका मेयर नर सिंह चैसिर, ब्यास गाउँपालिकाका अध्यक्ष मंगल सिंह धामी र विद्यार्थी नेता दिपक खातिलाई रोकेपछि मेयर चैसिरले बुधबारदेखि नेपाल तर्फको काम बन्द गरि दिएका हुन् ।
यस क्रममा जनप्रतिनिधिहरुले यहि भदौ २४ गते जिल्ला प्रशासन कार्यालय दार्चुलालाई ध्यानाकर्षण पत्र बुझाउदै तीन दिनभित्र तिंकर जान रोक्नुको कारणसहित जवाफ माग गरेकोमा त्यसको कुनै जवाफ नआए पछी बिरोधस्वरुप भारतबाट निर्माण कार्य हुँदै आएको मोटरेवल पुलको काम बन्द गरिएको नगर प्रमुख नर सिह चैसिरले बताए।
गत २० भदौमा व्याँस गाउँपालिका-१ को तिंकरमा निर्माण गरिएको सशस्त्र प्रहरीको बोर्डर आउट पोस्ट स्थापनाको उद्घाटन गर्ने जाने क्रममा महाकाली नगर प्रमुख नरसिंह चैसिर, व्याँस गाउँपालिका अध्यक्ष मंगलसिंह धामी, विद्यार्थी नेता दीपक खातीलाई भारतले व्याँस जान रोक लगाएको थियो । भारतीय प्रशासनबाट बहुयात्रा अनुमति लिएर जाँदा पनि धारचुलाबाट १४ किलोमिटरमाथि तिगरमबाटउनीहरुलाई भारतीय एसएसवीले फर्काएको थियो।