कञ्चनपुर। कञ्चनपुरमा यौन दुर्व्यवहार आरोपित शिक्षकमाथि कुटपिट गर्ने ८ जना विरुद्ध ज्यान मार्ने उद्योगमा जाहेरी दर्ता भएको छ । प्रहरीले नियन्त्रणमा लिएर हत्केडी लगाई सकेपछि निर्घात रुपमा कुटपिट गरिएका शिक्षक विरेन्द्र प्रसाद जोशीका परिवारले ८ जना विरुद्ध प्रहरी ज्यान मार्ने उद्योगमा जाहेरी दिएका छन् ।

कक्षा १० मा अध्ययनरत एक छात्रामाथि यौनजन्य दुर्व्यवहार गरेको भन्दै विद्यार्थीहरू आइतवार आन्दोलित भएका थिए। प्रहरीले जोशीलाई हतकडी लगाएर कार्यकक्षबाट बाहिर ल्याउने क्रममा विद्यालयभन्दा बाहिर एक समूहले उनीमाथि निर्धात कुटपिट गरेको हो।घाइते शिक्षक जोशीकी धर्मपत्नि भागरथी भट्टले जोशीले उनीहरु विरुद्ध किटानी दर्ता गराएका छन्।

भीमदत्त नगरपालिका १० जिमुवास्थित सिद्धनाथ माध्यामिक विद्यालयका शिक्षक एवम् लेखापाल जोशीमाथि विद्याथलयको यौन दुव्र्यवहार गरेको आरोप लगाएपछि विद्यालय पुगेको भीडले उनीमाथि कुटपिट गरेको थियो। कुटपिटमा गम्भीर घाइते जोशीको धनगढीमा आइसियुमा राखेर उपचार भई रहेको छ ।

जिल्ला प्रहरी कार्यालयका प्रहरी निरीक्षक सीताराम विष्ट नेतृत्वको प्रहरी टोलीले कार्यकक्षबाट नियन्त्रण लिएर हत्केडी लगाएर बाहिर ल्याएपछि उनीमाथि इटा, ढुङ्गा, हेल्मेट प्रहार गरी कुटपिट गरिएको थियो । प्रहरीले नियन्त्रणमा नियन्त्रणमा लिएर पनि कुटपिटबाट बचाउन नसकेको भन्दै चौतर्फी आलोचना हुन थालेको छ। विद्यालयले विज्ञप्ति प्रकाशित गरी प्रहरीको आलोचना गरेको छ ।

विद्यालयमा कक्षा १० मा अध्ययनरथ छात्राले उनीमाथि यौन दुव्र्यवहार आरोप लगाएपछि विद्यालय प्रशासन र ती छात्राका आफन्तले घट्ना सम्बन्धि छलफल गरी मिलापत्र गरिएको थियो । शिक्षक जोशीले ती छात्रासित अन्जानमा कुम जोडिएको भन्दै माफी मागेका थिए । जिल्ला प्रहरी कार्यालय कञ्चनपुरका प्रहरी प्रवक्ता प्रकास डाँगीले घटनाबारे अनुसन्धान भईरहेको बताए । उनले दुबै पक्षको जाहेरी आएको पुष्टि गर्दै अनुसन्धान थालिएको बताएका छन्।