अछाम। अछाममा ट्याक्टर दुर्घटना हुँदा एक जनाको मृत्यु भएको छ। शुक्रबार राति अछामको मेल्लेख गाउँपालिका–६ सोडसाबाट नुवाघरतर्फ जाँदै गरेको ट्याक्टर दुर्घटना हुँदा मेल्लेख गाउँपालिका–१ का ३३ वर्षीय ध्रुव कुँवरको मृत्यु भएको हो।
सुदूरपश्चिम प्रदेश ०१००२ त २९९३ नम्बरको ट्याक्टर अनियन्त्रित भएर शुक्रबार राति दुर्घटना भएको अछाम प्रहरीले जनाएको छ। दुर्घटनामा गम्भीर घाइते भएका कुँवरको उपचारका क्रममा मृत्यु भएको हो। ट्याक्टर चालकलाई प्रहरीले नियन्त्रणमा लिएको र घटनाका सम्बन्धमा थप अनुसन्धान भैरहेको जिल्ला प्रहरी कार्यालय अछामले जनाएको छ ।
