कञ्चनपुर। कञ्चनपुरमा चितुवाको छाला बरामद गरिएको छ । कञ्चनपुरको भीमदत्त नगरपालिका ९ बाट सशस्त्र प्रहरीले चितुवाको छाला बरामद गरेको हो । भीमदत्त ९ खल्लामछेडिको टुडिखेलस्थित सिमलको रुखमा सुकाउन राखिएको छाला प्रहरी टोलीले बरामद गरेको हो।
आईतबार राति सशस्त्र प्रहरी निरीक्षक नरेन्द्र ऐरको कमाण्डमा खटिएको टोलीले महाकाली नदी किनारमा रहेको सिमलको रुखबाट छाला बरामद गरेको हो। बरामद गरेको छाला वन कार्यालय कञ्चनपुरलाई हस्तान्तरण गरेको अत्तरियास्थित बैद्यनाथ बाहिनीका प्रवक्ता एसपी बीरेन्द्र ऐरले जानकारी दिएका छन् ।
