धनगढी। प्याब्सन कैलालीको जिल्ला परिषद् भेला २०७९ तथा सम्मान कार्यक्रम धनगढीमा सम्पन्न भएको छ। शनिबार धनगढीमा निजी तथा आवासीय बिद्यालय अर्गनाइजेशन प्याब्सन कैलालीको जिल्ला परिषद् भेला तथा सम्मान कार्यक्रम सम्पन्न भएको हो।कैलाली जिल्लाबाट प्रतिनिधि र प्रदेश सभा सदस्यमा नवनिर्वाचित सदस्यहरूलाई बधाई तथा सम्मान गर्न भेला आयोजना गरिएको हो।
जिल्ला परिषद् भेलामा नवनिर्वाचित प्रतिनिधि सभा सदस्य डिल्लीराज पन्त, प्रदेश सभा सदस्य प्रकाशबहादुर बम र रमेश धामीलाई सम्मान गरिएको थियो। भेला तथा सम्मान कार्यक्रमको अध्यक्षता प्याब्सन कैलालीका अध्यक्ष टोपेन्द्रबहादुर शाहले गरेका थिए भने प्रमुख अतिथिमा प्राध्यापक डाक्टर हेमराज पन्त रहेका थिए। कार्यक्रममा प्राध्यापक सुरेन्द्रबहादुर चन्द, नास्ट कलेजका निर्देशक शिवहरि शर्मा मुडभरीसहित प्याब्सनअन्तर्गतका विभिन्न विद्यालयका सञ्चालकहरूको उपस्थिति रहेको थियो।
