कैलाली। कैलालीको धनगढीमा स्कुटर पल्टिँदा दुई जना घाइते भएका छन्। बिहीबार साँझ धनगढी उपमहानगरपालिका-३ भाटभटेनी नजिकै स्कुटर पल्टिँदा दुई जना घाइते भएका प्रहरीले जनाएको छ। अत्तरीयाबाट धनगढीतर्फ आउँदै गरेको सुदूरपश्चिम प्रदेश-०१-०११प ११६७ नम्बरको स्कुटर हिजो (बिहीबार) साँझ पौने ७ बजे पल्टिएको थियो।
दुर्घटनामा स्कुटर चालक धनगढी ४ उत्तर बेहडीका ३१ वर्षीय योगेन्द्र चन्द र पछाडि सवार कैलालीकै गोदावरी नगरपालिका- १ का २५ वर्षीय दमन चन्द घाइते भएका छन्। धनगढीमै रहेको मायामेट्रो अस्पतालमा दुवैको उपचार भइरहेको कैलाली प्रहरीले जनाएको छ।घटनाका बारेमा थप अनुसन्धान भैरहेको प्रहरीले बताएको छ ।
