कञ्चनपुरको बेलौरीमा मोटरसाइकल दुर्घटना हुँदा एक युवकको मृत्यु भएको छ । जिल्लाको बेलौरी नगरपालिका वडा नम्बर ५ मैनाह चोकमा सु प प्र ०१००१ प २ २४३२ नम्बरको मोटरसाइकल दुर्घटना हुँदा एक युवकको मृत्यु भएको प्रहरीले जनाएको छ ।
दुर्घनामा लालझाडी गाउँपालिका ३ बलमीका ३० वर्षीय रमेश रानाको मृत्यु भएको इलाका प्रहरी कार्यालय बेलौरीले जनाएको छ। दुर्घटनामा लालझाडीकै १७ वर्षीय रोशन राना घाइते भएका र उनलाई उपचारका लागि धनगढी ल्याइएको कार्यलयका प्रहरी निरीक्षक दानसिंह भण्डारीले बताए।
