बाजुरा।बाजुराको बुढीगंगा नगरपालिकामा स्थानीय तह निर्वाचनका लागि निर्वाचन आयोगले चौथो पटक निर्वाचन अधिकृत फेरबदल गरेको छ ।
आयोगले बुढीगंगाको निर्वाचन अधिकृतमा चार दिनअघि संघीय मामिला तथा सामान्य प्रशासन मन्त्रालय अन्तर्गत अतिरिक्त समूहमा कार्यरत लक्ष्मणबहादुर कठायतलाई तोकेको हो । कठायतभन्दा अगाडि अटाएका तीन जना निर्वाचन अधिकृत फिर्ता भइसकेको छन् । कठायत पनि बाजुरा पुगेका छैनन् । आइतबार धनगढीबाट हिँड्ने उनको भनाइ छ ।
‘जिल्ला पुगेर दलहरुबीच छलफल गरेपछि मतदान हुने मिति तोक्छौं,’ उनले भने । तेस्रो पटक आयोगले बाजुरा अदालतका श्रेष्तेदार पुष्पराज पाण्डेलाई निर्वाचन अधिकृत तोकेको थियो । व्यक्तिगत कारण देखाउँदै पाण्डे पनि तोकिएको जिम्मेवारी पूरा गर्न पन्छिएपछि आयोगले चौथो पटक कठायतलाई तोकेको हो ।अन्यत्र सबै स्थानीय तहमा निर्वाचन सम्पन्न भई नवनिर्वाचित जनप्रतिनिधिहरुले कामकाज सुरु गरिसकेका भएपनि बुढीगंगामा भने अझै अन्यौल कायमै छ ।
नेपाली कांग्रेस र नेकपा एमालेबीच मतगणना वा पुन: मतदान भन्ने सम्बन्धमा उत्पन्न विवादको छिनोफानो गर्दै आयोगले जेठ १२ गते बुढीगंगाका सबै १० वटै वडामा पुन: मतदान गराउने निर्णय गरेको थियो । पुनस् मतदान गराउने मिति तोक्ने अधिकार निर्वाचन अधिकृतलाई दिइएको भएपनि पुनस् मतदान हुने मितिको भने आइतबारसम्म टुंगो लागेको छैन । आयोगले सुरुमा उपन्याधिवक्ता निरञ्जन स्थापितलाई निर्वाचन अधिकृत खटाएको थियो । तर उनी व्यक्तिगत कारण देखाउँदै कार्यस्थलमा नगई फर्किएका थिए । स्थापितले जिम्मेवारी नलिएपछि कृष्णप्रसाद सापकोटालाई खटाएको थियो ।
सापकोटा निर्वाचन गराउन खटिएका भएपनि विवादित बनेको थियो । कांग्रेस र एमाले कार्यकर्ताहरुको अत्यधिक दवावमा परेपछि उनी बीच अवधिमै कार्यजिम्मेवारीबाट राजीनामा दिएर फर्किएका थिए । त्यसपछि लामो समय मतगणना गर्ने वा पुनस् मतदान गर्ने भन्ने सवालमा आयोगभित्रै छलफल र तर्कवितर्कहरु चले । एमाले मतगणनाको पक्षमा थियो भने कांग्रेस पुनस् मतदानको पक्षमा । अन्तत: आयोगले सबै वडामा पुन: मतदानको निर्णय गरेको थियो । ६ वटा वडामा मुख्य विवाद भएपनि आयोगले भने सबै वडामा पुन:मतदान गर्ने निर्णय गरेको थियो । तेस्रोपटक आयोगले बाजुरा अदालतका श्रेष्तेदार पुष्पराज पाण्डेलाई निर्वाचन अधिकृत तोकेको थियो । व्यक्तिगत कारण देखाउदै पाण्डे पनि तोकिएको जिम्मेवारी पूरा गर्न पन्छिएपछि आयोगले चौथो पटक कठायतलाई तोकेको हो ।
