डोटी। सुदुरपश्चिमका ग्रामिण क्षेत्रमा स्थानिय स्तरमा उत्पादीत बस्तुले बजार पाउँन थालेका छन् । स्थानिय स्तरमा उत्पादीत बस्तुले बजार पाउनुका साथै राम्रो आम्दानी हुन थालेपछि ब्यवसायी खुसी भएका छन् ।कैलालीको चुरे गाउँपालीका ३ सहजपुर क्षेत्र सडक आसपासमा ब्यवसायीले स्थानिय तथा ग्रामिण क्षेत्रमा उत्पादन भएका उत्पादित बस्तुहरु राखेर ब्यवसायी ब्यापार ब्यवसाय गरिरहेका हुन् । कैलालीको सहजपुर क्षेत्र सुदुरपश्चिम प्रदेशको ७ पहाडी जिल्लाको मुख्य सडक मार्ग भएकाले पनी यात्रु तथा सर्बसाधारणहरु यही बाटो भएर यात्रा गर्ने क्रममा अर्गानिक बस्तु खरिद गरेर लैजाने गरेका छन् ।अर्गानिक उत्पादित बस्तु बजार क्षेत्र भन्दा स्थानिय स्तरमा उत्पादन भएका खाद्यान्न बस्तु स्वच्छ, ताजा र गुणस्तर राम्रो पाइने ब्यापारी बताउँछन् । डोटी तथा अन्य पहाडी क्षेत्रका ग्रामिण क्षेत्रमा पाईने फलफुल तरकारी, दलहन, अचार, मह, काँक्रा लगायत बिभिन्न अर्गानिक बस्तुहरु राखीएका छन् । कैलालीको चुरे गाउँपालीका ३ सहजपुरकी इन्द्रा रिजालले अर्गानिक बस्तुहरु दाल, मह, चुक, खुर्सानी, अचार, फर्सि, अम्बा, करेला, अदुवा, काँक्राहरु अर्गानिक पाईने हुनाले उपभोक्ता मन पराएर लग्ने गरेको जानकारी दिइन् ।यस्तो ब्यवसायबाट आर्थिक आम्दानी गर्न र हामी ब्यवसायलाई घरखर्च चलाउन सजिलो भएको उनी बताउँछन् । उनले शहर बजारमा लामो अवधिसम्म राखिएका बस्तुहरु सडगलेका, अखाद्य बस्तु मिसाइएकाले स्वास्थ्यलाई नकारात्मक असर गर्ने बताइन् । यस्तो अवस्थामा उपभोक्ताले ताजा खाद्यान्नहरु खरिद गर्नसक्ने उनले जानकारी भनिन् ।यस्तै,अर्को ब्यापारी ललित शाहले पनी स्थानिय उत्पादित बस्तुहरु सडक छेउमै ठेलामा सजाएर राखेका छन् । उनले सुदुरपश्चिम प्रदेशको ७ पहाडी जिल्लाको मुख्य सडक नै भएकाले मानिसहरुको आवतजावत गर्ने भएकाले उनीहरुलाई आवश्यक पर्ने दाल चुक, मह, फलफुलहरु लग्ने गरेको बताए । उनले यसै क्षेत्रमा झरना हेर्न आउने भएकाले पनी सरसामान किन्नेहरुको भिड नै लाग्ने गरेको उनी सुनाउँछन् ।