धनगढी। सुदुरपश्चिम प्रदेशको अस्थायी राजधानी धनगढीमा राना थारु समुदायले प्रदर्शन गरेको छ । सुदूरपश्चिम प्रदेशको सरकारी कामकाजी भाषाको सिफारिसबाट षडयन्त्रपुर्वक राना थारु भाषा हटाईएको विरुद्ध सोमबार धनगढीमा र्यालीसहित विरोध प्रदर्शन गरिएको हो ।
सरकारी कामकाजी भाषाको सिफारिसबाट षडयन्त्रपुर्वक राना थारु भाषा हटाईएको विरुद्धमा उनीहरुले धनगढीको चौराहादेखि पार्कमोड सम्म र्याली निकालेका हुन् । नेपाल रानाथारु समाज केन्द्रिय कार्यालयको आयोजनामा षडयन्त्रपुर्वक राना थारु भाषा हटाईएको र रानाथारुको आरक्षणको सुनिश्चतताका लागि दबाब स्वरुप विरुद्ध र्यालीसहित विरोध प्रदर्शन गरिएको जनाइएको छ ।
बिरोध सभामा बोल्दै उनीहरुले यस प्रदेशको सरकारी कामकाजीको भाषामा रानाथारु भाषालाई पनि समावेश गर्न यहाँका रानाथारु नागरिकले माग गरेका छन् । नेपाल राना थारु समाजको केन्द्रीय समितिले भाषा आयोगले सिफारिस गर्न छुटाएको रानाथारु भाषालाई सरकारी कामकाजको भाषाको रुपमा मान्यता दिन आग्रह गरेका थिए । उनीहरूले भाषा आयोगको उक्त प्रतिवेदन प्रति विरोध समेत जनाएका छन । सुदूरपश्चिम प्रदेशमा करिब ३ लाख बढी राना थारु समुदायका नागरिकको बसोबास रहेको छ ।
