धनगढी। कञ्चनपुरमा नदीमा डुबेर एक जना बालकको मृत्यु भएको छ। कञ्चनपुरको शुक्लाफाँटा नगरपालिका–११ अमरपुरस्थित सनवोरा नदीमा डुबेर आइतबार अन्दाजी १२ वर्षिय बालकको मृत्यु भएको हो।

कैलालीको चुरे गाउँपालिका–३ स्थित मावली आएका दिलीप सुनारको डिलबाट चिप्लिएर नदीमा खसेका थिए। उनको डुबेर मृत्यु भएको इलाका प्रहरी कार्यालय झलारीका प्रहरी निरीक्षक कर्णबहादुर बोहराले जानकारी दिए । सशस्त्र प्रहरीको गोताखोर टोली र इप्रका झलारीको टोलीले २ घण्टाको खोजबिनपछि उनको शव फेला पारेको जनाइएको छ।