धनगढी। कैलालीमा एक जना पुरुष मृत अवस्थामा फेला परेका छन्। कैलालीको घोडाघोडी नगरपालिका–१० तिल्केनीपुर बस्ने ६५ वर्षीय दिलिप सिंह बोहरा मृत अवस्थामा फेला परेका हुन् ।
बुधबार राति पहलमानपुर बजारबाट घर जाने क्रममा धान रोपेको खेतमा चिप्लिदा जमेको पानीमा डुबेर उनको मृत्यु भएको जिल्ला प्रहरी कार्यालय कैलालीले जनाएको छ। प्रहरीले घटनाबारे थप आवश्यक अनुसन्धान भैरहेको जनाएको छ।
