अछाम । अछाममा बालीका बलत्कार आरोपमा २ जना युवक पक्राउ परेका छन् । अछामको पञ्चदेवल विनायक नगरपालिकाका २ जना युवक बलत्कारको आरोपमा पक्राउ परेका हुन्।
पक्राउ पर्नेमा पन्चदेवल विनायक नगरपालिका ६ का अन्दाजी २४ वर्षीय जनक बटाला र सोही ठाउँका २५ वर्षीय महेन्द्र रावललाई बलात्कार आरोपमा पक्राउ गरिएको जिल्ला प्रहरी कार्यालय अछामले जनाएको छ ।
यहि भदौ ५ गते विनायक बजारबाट घर पुगाइदिने भन्दै मोटरसाइकलमा लगी दुवै युवकले बलात्कार गरेको बालिकाको आरोप छ। बालिकाको जाहेरीपछि दुवैजनालाई सोही दिन राती नै पक्राउ गरीएको प्रहरीले जनाएको छ। जिल्ला प्रहरी कार्यालय अछामले घटनाबारे थप अनुसन्धान भइरहेको जनाएको छ।
