कञ्चनपुर। कञ्चनपुरमा लागुऔषधसहित एक युवक पक्राउ परेका छन्। बिहीबार लागुऔषध नियन्त्रण ब्यूरो र प्रहरीको संयुक्त टोलीले भीमदत्त नगरपालिका १२ ऐरीबाट लागुऔषधसहित एक लाख भन्दा बढी रुपैयाँसहित बरामद गरेको हो।
जिल्ला प्रहरी कार्यालय कञ्नपुरका अनुसार पक्राउ पर्नेमा भीमदत्त नगरपालिलका – १२ ऐरीकै २० बर्षिया सुर्दशन भारती रहेका छन। संघीय प्रहरी इकाई कार्यालय महेन्द्रनगर र जिल्ला प्रहरी कार्यालय कञ्चनपुरको संयुक्त टोलीले उनलाई पक्राउ गरेको जनाएको हो।
भारतीको साथबाट १४।६७ ग्राम खैरो हिरोइन, ८।५० ग्राम चरेश, मोबाइल ३ थान र १ लाख ४१ हजार २ सय ५० बरामद गरेको जिल्ला प्रहरी कार्यालय कञ्चनपुरका प्रहरी नायव उपरीक्षक सिद्धराज न्यौपानेले बताए। पक्राउ परेका भारतीमाथि अनुसन्धान भइरहेको प्रहरीले जनाएको छ।
