कञ्चनपुर। कञ्चनपुरमा मोटरसाइकल दुर्घटना हुँदा ४ जना घाइते भएका छन्। कञ्चनपुरमा पूर्वबाट पश्चिमतर्फ गइरहेको ना २ प ७७२० र पश्चिमबाट पूर्वतर्फ आइरहेको सु प ०१-००१ त २४१० नम्बरको मोटरसाइकल कृष्णपुरको वाणीमा ठोक्किएको प्रहरीले जनाएको छ ।
प्रदेश ट्राफिक कार्यालय अत्तरिया कैलालीका अनुसार दुर्घटनामा परी घाईते हुनेमा कञ्चनपुर कृष्णपुरका १९ वर्षीय मनिष बोहरा, १७ वर्षीय रविन्द्र बोहरा, लालझाडी गाउँपालिका-५ बस्ने २४ वर्षीय नविन विष्ट र कृष्णपुर–२ का ३८ वर्षीय लक्ष्मण गिरी घाइते भएका छन्। घाइतेको वाणीस्थित मेडिकलमा उपचार भैरहेको प्रहरीले जनाएको छ।
