धनगढी। अछामबाट बिरामी बोकेर धनगढी आइरहेको स्कारपियो दुर्घटना भएको छ । स्कारपियो दुर्घटना हुँदा ४ जना घाइते भएका छन्। अछामबाट धनगढी आइरहेको सु.प.प्र. ०१ ००१ च २६५८ नम्बरको स्कारपियो आज बिहान १२ः३० बजे कैलालीको चुरे गाउँपालिका वडा नम्बर ३ सल्लेघारीमा दुर्घटना भएको प्रहरीले जनाएको छ । जिल्ला प्रहरी कार्यालय कैलालीका प्रहरी नायब उपरीक्षक प्रतिक बिष्टले दुर्घटनामा घाइते भएका स्कारपियो चालक अछामको साफेबगर नगरपालिका वडा नम्बर १ का गोपी धामीको अवस्था गम्भीर रहेको बताए।
‘स्कारपियोमा सवार साँफेबगर नगरपालिका वडा नम्बर १ बस्ने ४७ वर्षीय रमेश बुढाको अवस्था मध्यम रहेको छ,’ बिष्टले ‘सोही ठाउँका मुकुन्द रावल र ५१ बर्षिय धनकला रावलको अवस्था सामान्य रहेको जानकारी दिए । ’ स्कारपियो आफैँ अनियन्त्रित भएर सडकबाट दुई सय मिटर तल खसेको प्रहरी नायब उपरीक्षक बिष्टले बताए। उनीहरु चारै जनाको धनगढी स्थीत मायामेट्रो अस्पतालमा उपचार भैरहेको जनाइएको छ ।
