धनगढी। कैलालीमा जुवा खालबाट प्रहरीले ८५ हजार बरामद गरेको छ। सोमबार राति धनगढी उपमहानगरपालिका–३ मिलनचोकस्थित ए।एस।सी। होटलबाट ८५ हजार बरामद गरिएको जिल्ला प्रहरी कार्यालय कैलालीका प्रहरी नायब उपरीक्षक प्रतीक बिष्टले बताए। ‘जुवा भइरहेको सूचनाका आधारमा हाम्रो टोली त्यहाँ पुगेको थियो। मान्छे कोही पनि भेटिएनन। ८५ हजार बरामद गरेका छौँ,’ उनले भने। यता प्रहरीले नै जुवाडेलाई भगाएको र रकम असुलेको पनि आरोप लागेको छ। प्रहरी नायब उपरीक्षक बिष्टले भने प्रहरीले जुवाडे भगाएको पुष्टि भए संग्लनमाथि कारबाही हुने बताए।