धनगढी। कञ्चनपुरका एक जना पुरुष ४ लाख भारतीय रुपैयाँ सहित बनबासाबाट बेपत्ता भएका छन्। कञ्चनपुरको बेलडाडीँ गाउँपालिका ५ झिलमिला घर भएका अन्दाजी ४४ वर्षीय तिर्थराज बोहरा आईतबारदेखि बेपत्ता भएको उनका आफन्त लाल बहादुर रावलले जानकारी दिए। उनका अनुसार बोहरा भारतको देहेरादुनदेखि वनवासासम्म सकुशल आएका थिए। उनी वनवासा पुगदासम्म परिवारको सम्पर्कमै थिए। तर, आईतबार बिहान ८ बजेदेखि उनी एकाएक सम्पर्कविहीन भएका थिए। उनको भारतको देहरादुन पनि घर थियो।

उनले त्यो घर बेचेको करिब ४ लाख भारतीय रुपैयाँ साथमा बोकेर नेपाल फर्किन लागेको अवस्थामा बनबासा बजारबाट सम्र्पक बिहीन रहेको छोरी मिता बोहराले भनिन् । उनले भनिन्, मेरो बाबाले आफूहरु सबैसंग आफु बनबासा सहर पुगेको र चिया पिउदै गरेको र घर चाँडै पुग्छु खाना समेत पकाई राख्न समेत बाबाले भने जानकारी दिइन् । उनले त्यस्पछि बाबा एक्कासी बेपत्ता भएपछि आफन्तहरु खोजी कार्यमा जुटेका छन्। उनीहरुले इलाका प्रहरी कार्यालय बेलडाँडीलाई जानकारी गराउने तयारी भईरहेको बताएका छन्।