धनगढी। कर्णाली नदीमा जिप खस्दा २ जना बेपत्ता भएका छन् । जिपमा सवार ३ जनाको उद्धार गरिएको छ । कैलालीको कर्णाली चिसापानी–सोल्टा सडक खण्डको बाकाबाट जिप कर्णाली नदीमा खसेको प्रहरीले जनाएको छ । प्रहरीका अनुसार जिपमा सवार चन्द्रप्रकाश जोशी र रुपी जोशी बेपत्ता भएका छन् ।

१२ वर्षीया लक्ष्मी जोशी, ४ वर्षीया सावित्री जोशी र ३ वर्षीय भुवन जोशीको भने उद्धार गरिएको छ । बेपत्ताको खोजी जारी रहेको र ३ बालबालिकाको लम्कीमा सामान्य उपचारपछि कोहलपुर लगिएको जनाइएको छ । घटनास्थलमा भेटिएको कागजपत्रमा गाडी नम्बर बा ११ च ९३८ नम्बरको रहेको प्रहरीले जनाएको छ।जिल्ला प्रहरी कार्यालयका अनुसार शुक्रबार साढे १२ बजेको समयमा कर्णाली नदीमा खसेको गाडीको फेला परेको जनाइएको छ।