धनगढी।धनगढीको एक होटलबाट ६ ग्राम लागु औषध (हिरोईन) सहित १ जना पक्राउ परेका छन् । मंगलबार साँझ ५ बजेको समयमा धनगढी उप महानगरपालिका वडा २ चौराह स्थित सि टि होटलमा लागु औषधको कारोवार भईरहेको छ भन्ने गोप्य सुचनाको आधारमा जिल्ला प्रहरी कार्यालय कैलालीबाट खटिएको प्रहरी टोलीले एक जनालाई हिराईन सहित पक्राउ गरेको हो । पक्राउ पर्नेमा धनगढी १ का २८ बर्षिय सुरज पार्की रहेका छन्।
सि टि होटलमा शंकास्पद रुपमा बसिरहेको अवस्थामा निजलाई चेकजाँचका क्रममा उनको साथबाट ६ ग्राम लागु औषध ९हिरोईन० फेला पारी बरामद गरी उनलाई पक्राउ गरीएको जिल्ला प्रहरी कार्यालय कैलालीले जनाएको छ । पक्राउ परेका पार्कीलाई लागु औषध हिरोईन शिर्षकमा मुद्दा दर्ता गरी थप अनुसन्धान कार्य भईरहेको जिल्ला प्रहरी कार्यालय कैलालीका एस पी बिश्व अधिकारीले जानकारी दिए।
