धनगढी। कैलालीमा ट्याङ्कर दुर्घटना भएको छ । अत्तरिया-धनगढी ६ लेन सडकखण्ड अन्तर्गत गोदावरी नगरपालिका-१ मनहरा पुल नजिकै अत्तरियाबाट धनगढीतर्फ आइरहेको ना ७ ख २७४९ नम्बरको खाली ट्याङ्कर दुर्घटना भएको कैलाली जिल्ला प्रहरी कार्यालयले जनाएको छ। ट्याङ्कर दुर्घटनामा चालक डडेल्धुराको गन्यापधुरा गाउँपालिका-१ का २३ वर्षीय पुरन देउवा र सह चालक २१ वर्षीय नवीन मल्ल घाइते भएका जिल्ला प्रहरी कार्यालय कैलालीले जनाएको छ। घाइते दुबैको अत्तरियामा रहेको पदमा अस्पतालमा उपचार भैइरहेको प्रहरीले जानकारी दिए। ट्याङ्कर अनियंत्रित भएर दुर्घटना भएको प्रहरीले जनाएको छ ।