दार्चुला। दार्चुलामा ढुंगा लागेर हाइड्रोपावरमा कार्यरत ओभरसियरको मृत्यु भएको छ । दार्चुलाको अपिहिमाल गाउँपालिका ५ मकरीगाडमा निर्माणाधीन मकरीगाड हाइड्रोपावरमा कार्यरत एक जना ओभरसियर गणेशसिह बोहराको ढुंगा लागेर मृत्यु भएको हो। हाइड्रोपावरमा पाइपलाइन खन्ने क्रममा खसेको ढुंगा लागेर ओभरसियर बोहराको मृत्यु भएको प्रहरीले जनाएको छ । अपिहिमाल गाउँपालिका ३ घर भएका बोहरा निर्माणाधीन १० मेगावट मकरीगाड हाइड्रोपावरमा ओभरसियरको रुपमा कार्यरत थिए । निर्माणको काम चलिरहेको बेला ढुंगा लागेर बोहराको घट्नास्थलमै मृत्यु भएको जिल्ला प्रहरी कार्यालय दार्चुलाका सूचना अधिकारी एवं प्रहरी निरीक्षक नरेन्द्रबहादुर चन्दले जानकारी दिए ।
