अछाम। अछाममा डोजर दुर्घटनामा एक जनाको मृत्यु भएको छ भने दुई जना घाईते भएका छन् । अछामको मङ्गलसेन नगरपालिका–१४ कालागाउँमा डोजर दुर्घटना हुँदा एक जनाको मृत्यु भएको छ भने दुई जना घाइते भएका हुन्। मृत्यु हुनेमा ढकारी गाउँपालिका–२ का ३७ वर्षीय रामबहादुर साउद रहेका छन्।यस्तै दुर्घटनामा परेर दिपेन्द्र शाही र बिरेन्द्र शाही घाइते भएको जिल्ला प्रहरी कार्यालय अछामका प्रहरी नायव उपरीक्षक तुल्सीराम अर्यालले बताए। उनीहरूलाई उपचारका लागि सदरमुकाम मंगलसेन पठाइएको प्रहरी नायव उपरीक्षक अर्यालले बताए।

घाइतेको जिल्ला अस्पतालमा उपचारका लागी मङ्गलसेनमा ल्याइएको छ । जेसिबी चालक भने फरार रहेका छन । जिल्ला प्रहरी कार्यालयका अनुसार घाइतेको जिल्ला अस्पताल मङ्गलसेनमा उपचार भइरहेको छ। ठाँटीबाट खाँटतर्फ गइरहेको उक्त डोजर आज कालागाउँको सडकबाट कम्तीमा ७० मिटर तल खसेको प्रहरीले जनाएको छ। फरार चालकको खोजी भइरहेको प्रहरीले जनाएको छ।