धनगढी। धनगढीमा दुर्लभ रेड पाण्डाको छालासहित २ जना पक्राउ परेका छन्। वडा प्रहरी कार्यालय धनगढीबाट खटिएको प्रहरी टोलीको कमाण्डमा संघिय प्रहरी ईकाई कार्यालय धनगढी (हाल महेन्द्रनगर कन्चनपुर)समेतको सयुक्त प्रहरी टोलीले दुर्लभ रेड पाण्डाको छालासहित २ जनालाई पक्राउ गरेको हो । प्रहरी टोलीले कैलालीको धनगढी उपमहागरपालिका–४ स्थित बोराडाडीमा रहेको पण्डित वर्कशपबाट भारतको लखिमपुर मोतीहारी केशरिया घर भएका मोटर वर्कशपका सञ्चालक ४१ वर्षीय गगनदेव पण्डित र कञ्चनपुरको शुक्लाफाँटा नगरपालिका–३ बस्ने ३८ वर्षीय मुकेश भट्टलाई पक्राउ गरेको हो ।

दुवैलाई रेडपाण्डाको छालासहित संघीय प्रहरी इकाई कञ्चनपुरबाट सादा पोशाकमा खटिएको टोली र वडा प्रहरी कार्यालय धनगढीको टोलीले पक्राउ गरेको जनाइएको छ । पक्राउ परेका दुवैलाईआवश्यक कारबाहीका लागी डिभिजन वन कार्यालय धनगढी कैलालीमा बुझाउने जिल्ला प्रहरी कार्यलय कैलालीका निमित्त प्रवक्ता प्रहरी निरीक्षक लोकेन्द्र सिंह गुरुले बताए ।