दार्चुला। दार्चुला –बैतडी जोड्ने महाकाली लोकमार्ग अवरुद्ध भएको छ। पहिरोका कारण लोकमार्ग अवरुद्ध भएको हो। जस्ले गर्दा सवारीसाधन बिच बाटोमै रोकिएका छन्। दार्चुलाको शैल्यशिखर नगरपालिका वडा नम्बर ६ ग्वानीको दुधौलीगाड र पनेबाजमा पहिरो खसेपछि सडक अवरुद्ध बनेको इलाका प्रहरी कार्यालय गोकुलेश्वरका प्रमुख प्रहरी निरीक्षक अरुण बमले जानकारी दिए।
सडकमा खसेको पहिरो पन्छ्याउनका लागि प्रयास भईरहेको उनले बताए । सडक अवरुद्ध बनेसंगै गोकुलेश्वरबाट खलंगाका लागि छुटेका जिप र तराइबाट दार्चुलाका लागि छुटेका बसहरु रोकिएका छन्। गोकुलेश्वरबाट दार्चुलातर्फ जादै गरेका तीन वटा बस र छ वटा जिप सडकमै रोकिएका छन् ।
