धनगढी। धनगढीमा ५ किलो ५०० ग्राम लागु औषध(गाँजा) सहित १ जना पक्राउ परेका छन् । आज बिहान ११ः ३० बजेको समयमा कैलालीको धनगढी उप महानगरपालिका वडा नं १६ रामपुर स्थित मैतुराम डगौराको घर आँगनमा लागु औषध (गाँजा) सुकाई राखेको छ भन्ने सुचनाको आधारमा प्रहरी टोलीले पक्राउ गरेको हो।
अस्थायी प्रहरी पोष्ट बेहडा बाबा र जिल्ला प्रहरी कार्यालय कैलालीबाट खटिएको प्रहरी टोलीले उक्त डगौराको घर आँगनमा सुकाई राखेको लागुऔषध ५ किलो ५०० ग्राम (गाँजा)फेला पारी बरामद गरी पक्राउ गरिएको जिल्ला प्रहरी कार्यालय कैलालीले जनाएको छ । जिल्ला प्रहरी कार्यालय कैलालीका अनुसार डगौरालाई पक्राउ गरी थप अनुसन्धान भई रहेको छ ।
