कञ्चनपुर। कञ्चनपुर प्रहरीले लागुऔषध ब्राउन सुगरसहित २ जना पक्राउ परेका छन् । जिल्ला प्रहरी कार्यालय कञ्चनपुर तथा मातहतबाट खटिएको प्रहरी टोलीले कञ्चनपुरको भीमदत्त नगरपालिका–६ पूर्वपश्चिम राजमार्गको शिव मन्दिर नजिकबाट म २ प ९८६६ नम्बरको मोटरसाइकलमा सवार भीमदत्त–९ बह्मदेवका २० वर्षीय मोहन पन्त र भीमदत्त–६ ऐठपुरका २६ वर्षीय राम साउँद पक्राउ गरेको हो।
उनीहरुको साथबाट २३ दशमलव २५ ग्राम लागुऔषध ब्राउन सुगर फेला पारेको जिल्ला प्रहरी कार्यालय कञ्चनपुरका प्रहरी नायव उपरीक्षक सिद्धराज न्यौपानेले जानकारी दिए । पक्राउ परेका दुवैमाथि थप अनुसन्धान भइरहेको जिल्ला प्रहरी कार्यालय कञ्चनपुरले जनाएको छ।
