धनगढी। कैलालीको गोदावरी नगरपालिका कार्यालयमा शिक्षकहरुले धर्ना दिएका छन । शुक्रबार नेपाल शिक्षक महासंघ गोदावरी नगर समितिको आयोजनामा शिक्षकहरु धर्नामा बसेका हुन । शिक्षकहरुलाई कोभिड भ्याक्सिन उपलब्ध गराउनुपर्ने लगायतका माग राख्दै नगरपालिका कार्यालय अगाडी २ घण्टा धर्ना दिएको नेपाल शिक्षक महासंघ गोदावरी नगर समितिका अध्यक्ष शिवराज जोशीले बताए।
उनले देशव्यापि धर्ना दिने कार्यक्रम अन्तरगत गोदावरी नगरपालिकामा बिहान १० बजे देखि १२ बजे सम्म धर्ना दिईएको बताए । शिक्षकहरुले कोरोना खोप संगै सामुदायिक विद्यायमा कार्यरत सबै शिक्षकहरुलाई समान सुविधा दिनु पर्ने, शिक्षकहरुलाई निजामती कर्मचारी सरह सेवा सुविधा दिनुपर्ने लगायतका माग राखेका छन ।
