अछाम। अछाममा ट्याक्टर दुर्घटना भएको छ । अछामको बान्नीगढी जयगढ गाउँपालिकामा ट्याक्टर दुर्घटना हुँदा २ जना घाइते भएका छन्।बान्नीगढी जयगढ गाउँपालिकाको केन्द्र जयगढ बजारबाट वडा नम्बर ४ तिमिल्सैन तर्फ जाँदै गरेको सुदूरपश्चिम प्रदेश ०१–००त ४४१२ नम्बरको ट्याक्टर दुर्घटनामा परेको हो ।
ट्याक्टर अनियन्त्रित भएर दुर्घटनामा परेको हुन सक्ने अनुमान छ । बिहीबार बिहान ढुङ्गा ओसार पोसार गर्न जाँदै गरेको ट्याक्टर दुर्घटना हुँदा चालक र एक यात्रु घाइते भएका हुन् । घाइते हुनेमा चालक २४ वर्षका खकेन्द्र बोहरा र ५० वर्षका पूर्ण बहादुर ठकुल्ला रहेका छन् । उनीहरूको बयालपाटा अस्पतालमा उपचार भइरहेको छ । ट्याक्टर सह चालकले चलाएको र चालक अनुमानि पत्र समेत नभएको बुझिएको छ।
