धनगढी। धनगढीमा अवैध मदिरा बरामद गरेर नष्ट गरिएको छ। इजाजतबिना विक्री वितरणका लागि राखिएका मदिरा जफत गरिएको वडा प्रहरी कार्यालय धनगढीले बताएको छ। वडा प्रहरी कार्यालय धनगढीका अनुसार धनगढी उपमहानगरपालिका स्थित रिङरोड आसपासका पसलहरुबाट अवैध घरेलु मदिरा र इजाजतबिना बिक्री वितरण गरिदैँ आएका मदिरा जफत गरिएको हो।
इजाजत पत्रबिना विक्रीवितरणका लागि राखिएका करिब १३ काटुन मदिरा बरामद गरी आन्तरिक राजस्व कार्यालयमा बुझाइएको छ। ४० हजार मुल्य बराबरका मदिरा राजस्व कार्यालयमा दाखिला गरिएको वडा प्रहरी कार्यालयले जनाएको छ। त्यस्तै ४० लिटरभन्दा बढि घरेलु मदिरा समेत जफत गरेर नष्ट गरिएको बताइएको छ।
