कञ्चनपुर। नेकपा (एमाले) ले कञ्चनपुर निर्वाचन क्षेत्र नम्बर १ मा प्रतिनिधि सभामा कञ्चनपुरका पूर्व अध्यक्ष तारालामा तामाङ्गले उम्मेदवारी दर्ता गरेका छन् । कञ्चनपुर बेलौरीस्थित मुख्य निर्वाचन अधिकृत कार्यालयमा प्रतिनिधि सभा र प्रदेश सभा सदस्यका उम्मेदवारले मनोनयन दर्ता गराएका हुन्। प्रदेश सभा सदस्यका लागि ख मा एमाले जिल्ला कमिटी सचिव पल्लवराज भट्ट र क मा निवर्तमान जिल्ला अध्यक्ष बीर बहादुर थापा उम्मेदवार भएका छन् ।
प्रतिनिधि सभा सदस्यका लागि सिफारिश थापा प्रदेश सभामा उम्मेदवार भएका हुन् । प्रदेश सभा सदस्यका उम्मेदवार थापा र भट्टले दुबै यस अघि २०७४ मा स्थानीय तह निर्वाचन लडि सकेका छन् । प्रतिनिधि सभा सदस्यका उम्मेदवार तामाङ्ग अघिल्लो निर्वाचनमा प्रदेश सभा क बाट निर्वाचित भएका थिए । उनी सुदूरपश्चिम प्रदेश सरकारमा आर्थिक मामिला मन्त्री भई सकेका छन् । एमाले छाडेर नेकपा एकीकृत समाजवादी गएका उनलाई गत भदौमा अध्यक्ष केपी शर्माले पार्टीमा स्वागत गरेका थिए । २०७० को संविधान सभा निर्वाचन लडेका उनी एमालेमा प्रभावशाली नेता हुन् ।
